Rusiyanın Orenburq vilayətinin Qazodobıtçiki qəsəbəsində su bəndinin uçması təhlükəsi ilə əlaqədar sakinlərin tam təxliyəsi elan edilib.
Bu barədə rayon administrasiyasının “Telegram” kanalında məlumat verilib.
“Qazodobıtçiki qəsəbəsində bəndin uçması təhlükəsi ilə əlaqədar sakinlərin tam təxliyəsi elan edilib. Qəsəbə sakinləri təcili olaraq kəndi tərk edərək təhlükəsiz yerə təxliyə olunmalıdırlar”, - deyə məlumatda bildirilib.
Administrasiyadan qeyd edilib ki, uçma təhlükəsi daşan su səviyyəsinin getdikcə artması ilə bağlıdır.
Xatırladaq ki, Orenburq vilayətində 11 773 yaşayış binası və 15 066 həyətyanı sahə su altında qalıb. Orenburqda Ural çayında suyun səviyyəsi 4 saat ərzində 14 sm artaraq 1143 sm-ə çatıb.
12:24
Rusiyanın Orenburq vilayətində 67 yaşayış məntəqəsində 11 mindən çox yaşayış binası su altında qalır.
Bu barədə regional hakimiyyət orqanları məlumat yayıb.
Qeyd olunur ki, daşqın səbəbindən dörd yaşayış məntəqəsində elektrik enerjisi verilişində fasilələr yaranıb.
Daşqın zonasından 10 700-dən çox insan, o cümlədən uşaqlar təxliyə ediliblər.
“Su basmış təsərrüfatlardan və şəxsi torpaqlardan 10 739 nəfər, o cümlədən 2 094 uşaq təxliyə edilib”, - deyə regional hökumətin açıqlamasında bildirilir.
Aprelin 12-də səhər saatlarında rayon administrasiyası məlumat verib ki, yerli vaxtla saat 04:00-a (Bakı vaxtı ilə 03:00) Orenburq vilayətində Ural çayında suyun səviyyəsi 1115 sm-ə yüksəlib. Cəmi dörd saat ərzində , müvafiq rəqəm 12 sm artıb.
Daha sonra şəhər rəhbərinin müavini Aleksey Kudinov xəbərdarlıq edib ki, aprelin 12-də Orenburqda daşqının pik həddə çatması gözlənilir. Onun sözlərinə görə, bundan sonra vəziyyət stabilləşməlidir. Proqnozlara görə, aprelin 14-dən etibarən Ural çayının müvafiq hissəsində suyun səviyyəsi azalmağa başlayacaq.
Mənbə: RIA Novosti
