"Türk siyasi tarixində ən çox çevriliş cəhdinə məruz qalan hökumətik".
Bunu Türkiyə Prezidenti Rəcəb Tayyib Ərdoğan ölkədə 27 May hərbi müdaxiləsinin 64-cü ildönümü çərçivəsində keçirilən simpoziumda çıxışı zamanı bəyan edib.
O, üzərindən 64 il deyil, əsrlər belə keçsə, çevrilişçiləri unutmayacaqlarını və bağışlamayacaqlarını vurğulayıb.
"Ən son 15 iyul çevriliş cəhdində birbaşa məni, TBMM-i və əziz xalqımızı hədəf alacaq qədər gözlərini qaraltdılar. Bunların hamısı yaşandı. Bunlardan başqa da gizli-aşkar bir çox cəhd oldu. Heç bir zaman geri addım atmadıq. Tankla, tüfənglə milli iradənin təslim alına bilməyəcəyini çox aydın şəkildə göstərdik. Bu ölkədə çevriliş cinayətinin cəzasız qalmayacağını ortaya qoyduq", - deyə dövlət başçısı vurğulayıb.
O, ölkədə artıq çevrilişlər və memorandumlar dövrünün bağlandığını qeyd edib.
R.T.Ərdoğan, həmçinin yeni konstitusiya mesajı da verib:
"Türkiyənin mövcud çevriliş konstitusiyasına məhkum edilməsi siyasətə inamı zədələyir. Dili problemli mövcud konstitusiyamızla yola davam edə bilmərik. Cümhuriyyətimizin 100-cü ilinin çevriliş konstitusiyası ilə keçirilməsi siyasət qurumu adına utanc mənbəyidir. Bu utancı xalqımıza daha çox yaşada bilmərik. Hesab edirəm ki, 28-ci qanunvericilik dövrü üçün yeni konstitusiya layihəsi hazırlamaq siyasi qurumun milli vəzifəsidir", - deyə o bildirib.
Xatırladaq ki, may ayının ortalarında R.T.Ərdoğan gözlənilən alıb. Elə həmin gecə o, Milli Kəşfiyyat İdarəsinin (MİT) rəhbəri İbrahim Kalın və ədliyyə naziri Yılmaz Tunçla təcili iclas keçirib.
