Gürcüstan hakimiyyəti 2023-cü ildə sürüşmənin baş verdiyi dağlıq Raça bölgəsindəki Şovidə məbəd tikmək qərarına gəlib.
Kriminal.Az TASS-a istinadən xəbər verir ki, bu barədə respublikanın Baş naziri İrakli Kobaxidze faciənin ildönümü münasibətilə jurnalistlərə bildirib.
Xatırladaq ki, Şovidə sürüşmə ötən il avqustun 3-də baş verib. Körpülərə, yollara, turist kotteclərinə və hotelə ziyan dəyib. Təbii fəlakətin baş verdiyi ərazinin ümumi sahəsi 26 hektar olub. Xilasedicilər 32 fəlakət qurbanının cəsədini tapıblar. Bir yeniyetmənin meyiti hələ də tapılmayıb.
