2013-2021-ci illərdə İranın xarici işlər naziri vəzifəsində çalışmış və ABŞ ilə danışıqların tərəfdarı olan ölkənin strateji məsələlər üzrə vitse-prezidenti Məhəmməd Cavad Zərif cəmi 10 gün vəzifədə qaldıqdan sonra istefa verib.
Kriminal.Az xəbər verir ki, bu barədə o, özünün "X" hesabında yazıb.
"Mən işimin nəticəsindən razı deyiləm. Digər problemlərlə yanaşı, bu, məni universitetdə yolumu davam etdirməyə məcbur etdi", - Zərif qeyd edib.
Söhbət iyulun 5-də İranda keçirilən prezident seçkisində Məsud Pezeşkianın qələbəsindən dərhal sonra Zərifin rəhbərlik etdiyi Məşvərət Şurasından gedir. Zərif avqustun 11-də təsdiq üçün parlamentə təqdim edilən yeni kabinet üçün namizədlərin seçilməsinə cavabdeh idi.
İslam respublikasının islahatçı qanadının nümayəndəsi olan Zərif ABŞ ilə dialoqun əsas tərəfdarlarından biri hesab olunur və buna görə İran mühafizəkarları tərəfindən tənqid edilir. Diplomat 2015-ci ildə Tehranın nüvə proqramına dair sazişin hazırlanmasında və bağlanmasında fəal iştirak edib. O, ABŞ dövlət katibi və digər rəsmiləri ilə dəfələrlə danışıqlar aparıb.
سلام بر مردم بزرگوار و خطاپوش ایران
— Javad Zarif (@JZarif) August 11, 2024
امروز جناب دکتر پزشکیان وزرای دولت چهاردهم را به مجلس معرفی فرمودند که برای همگی آرزوی موفقیت دارم.
از نوزده وزیری که امروز معرفی شدند، سه نفر نامزد نخست، 6 نفر نامزد دوم یا سوم و یک نفر نامزد پنجم کمیتهها و یا شورای راهبری بودند.
بارها گفته… pic.twitter.com/lbuWQE213H
