Radikal "Taliban" hərəkatının Əfqanıstanın müvəqqəti hökumətində yaratdığı Şərin Qarşısının Alınması və Fəzilətin Təbliği Nazirliyi saqqal uzatmaq əmrinə tabe olmayan və bununla da "İslam qanunları"nı pozan 280-dən çox polis əməkdaşını xidmətdən uzaqlaşdırıb.
Oxu.Az xəbər verir ki, bu barədə "Reuters" agentliyi məlumat yayıb.
Qeyd olunub ki, ölkədə "İslam qanunları"na və əfqan adət-ənənələrinə əməl olunması uğrunda aparılan mübarizə çərçivəsində 2023-cü ildə ölkədə qeyri-etik hərəkətlərə görə 13 mindən çox insan saxlanılıb, onların yarıdan çoxu məhkəmə qarşısına çıxarılıb.
Bundan əlavə, 21328 musiqi aləti məhv edilib, yerli bazarlarda çəkilişləri həyata keçirilən qeyri-etik və yolverilməz filmlərin satışı dayandırılıb.
