ABŞ prezidentliyinə Respublikaçılar Partiyasından namizəd, Ağ Evin keçmiş rəhbəri Donald Tramp seçkidə qalib gələrsə, sahibkar və milyarder İlon Maska ABŞ hökumətində yer təklif etməyə hazır olduğunu bildirib.
Kriminal.Az-ın xəbərinə görə, o bu barədə "The Shawn Ryan Show" nəşrinə müsahibəsində deyib və məlumatı təsdiqləyib.
Eyni zamanda siyasətçi etiraf edib ki, iş adamının buna vaxtı olmaya bilər, çünki Mask böyük şirkətlərin rəhbəridir.
"Mən onu hökumətə daxil edərdim, amma onun məşğul olduğu işlərin həcmini nəzərə alsaq, buna necə vaxt çatdıracağını bilmirəm. Lakin o, bəzi məsələlər, məsələn, süni intellekt məsələsi ilə bağlı hökumətə məsləhətlər verə bilər", - deyə Tramp bildirib.
ABŞ prezidentliyinə namizəd qeyd edib ki, ABŞ hökumətinin işinin optimallaşdırılmasında iştirak etmək istəyən Maskla əla münasibətləri var.
Xatırladaq ki, daha əvvəl Mask Trampın demokratiyanı və ABŞ-ni xilas edə biləcəyini bəyan etmişdi.
Avqustun 20-də Tramp bildirmişdi ki, noyabrda keçiriləcək seçkidə qalib gəlsə, Maska böyük vəzifə təklif edəcək. ABŞ prezidentliyinə namizədin sözlərinə görə, o, sahibkara müşavir vəzifəsi və ya nazir portfeli təklif etmək niyyətindədir.
