Azərbaycanın yeniyetmə cüdoçusu Əli Qazıməmmədov (81 kq) Bolqarıstanda keçirilən Avropa çempionatında növbəti görüşünə çıxıb.
"Report"un Sofiyaya ezam olunan əməkdaşı xəbər verir ki, milli üzvü təsəlliverici qarşılaşmada Polşa təmsilçisi Derek Martszakla üz-üzə gəlib.
Rəqibinə qalib gələn Qazıməmmədov bürünc medal uğrunda görüşə qatılacaq.
Daha əvvəl Sübhan Axundov (+90 kq) finala yüksəlib. O, bu raundda estoniyalı Marek-Adrian Masakın müqavimətini qırmağa çalışacaq.
Bu gün tatamiyə çıxan digər üç cüdoçu əvvəlki raundlarda uduzublar.
Qeyd edək ki, turnir iyunun 30-da komanda yarışı ilə başa çatacaq. Daha əvvəl Azərbaycan təmsilçilərindən Bahadır Feyzullayev qızıl, Məhəmmədəli Hüsiyev (hər ikisi 50 kq) və Cəsur İbadlı (73 kq) bürünc medal qazanıblar.
Azərbaycanın yeniyetmə cüdoçuları Bolqarıstanda təşkil olunan Avropa çempionatının üçüncü günündə növbəti görüşlərini keçiriblər.
"Report"un Sofiyaya ezam olunan əməkdaşının məlumatına görə, Əli Qazıməmmədov (81 kq) ardıcıl iki qarşılaşmada qələbə qazanıb. 1/4 finalda uduzan Əli Qazımənmədov (81 kq) təsəlliverici görüşə qatılacaq.
Sübhan Axundov (+90 kq) yarımfinala vəsiqə qazanıb.
Mələk Bayramlı (70 kq), Mehdi Abbasov (81 kq) və Hüseyn Eyvazlı (90 kq) məğlubiyyətlə üzləşiblər.
Qeyd edək ki, turnir iyunun 30-da komanda yarışı ilə başa çatacaq. Daha əvvəl Azərbaycan təmsilçilərindən Bahadır Feyzullayev qızıl, Məhəmmədəli Hüsiyev (hər ikisi 50 kq) və Cəsur İbadlı (73 kq) bürünc medal qazanıblar.
Bu gün Azərbaycanın daha beş cüdoçusu Bolqarıstanda keçirilən Avropa çempionatında mübarizəyə başlayacaq.
"Report"un Sofiyaya ezam olunmuş əməkdaşı xəbər verir ki, fərdi yarışın sonuncu günündə qızlardan Mələk Bayramlı (70 kq), oğlanlardan Mehdi Abbasov, Əli Qazıməmmədov (hər ikisi 81 kq), Hüseyn Eyvazlı (90 kq) və Sübhan Axundov (+90 kq) tatamiyə çıxacaqlar.
70 kq.
Mələk Bayramlı - Keti Robakidze (Gürcüstan)
90 kq
Hüseyn Eyvazlı - Lorens Hornqaçer (Avstriya)
+90 kq
Sübhan Axundov - Nikola Lubura (Bosniya və Herseqovina) / Mahmutcan Maden (Türkiyə) cütünün qalibi
Qeyd edək ki, turnir iyunun 30-da komanda yarışı ilə başa çatacaq. Daha əvvəl Azərbaycan təmsilçilərindən Bahadır Feyzullayev qızıl, Məhəmmədəli Hüsiyev (hər ikisi 50 kq) və Cəsur İbadlı bürünc medal qazanıblar.
