Azərbaycan Kubokunun yarımfinal mərhələsinin ilk oyununda "Sabah" səfərdə "Neftçi"ni məğlub edib.
Oxu.Az xəbər verir ki, "Neftçi Arena"da baş tutan matçda qonaqlar rəqibini 2:1 hesabı ilə üstələyiblər.
11-ci dəqiqədə Azər Salahlı topu öz qapısına göndərməklə "bayquşlar"ı hesabda irəli çıxarıb. 10 dəqiqə sonra Yuri Matias "status-kvo"nu bərpa etsə də, 52-ci dəqiqədə adını tabloya yazdıran Pavol Şafranko yekun hesabı müəyyənləşdirib.
Qeyd edək ki, yarımfinal mərhələsinin cavab görüşləri aprelin 23-də keçiriləcək.
Azərbaycan Kubokunun yarımfinal mərhələsinin ilk oyununda "Araz-Naxçıvan" "Qarabağ"a qalib gəlib.
Oxu.Az xəbər verir ki, "Liv Bona Dea Arena"da baş tutan matçda meydan sahibləri 1:0 hesablı qələbə qazanıblar.
Felipe Santos İssuf Paroya qarşı kobud oyuna görə təyin olunan penaltini 28-ci dəqiqədə qola çevirib.
Bu gün Azərbaycan Kubokunun yarımfinal mərhələsinin ilk oyunlarına start veriləcək.
Oxu.Az xəbər verir ki, "Araz-Naxçıvan" "Qarabağ"ı, "Neftçi" isə "Sabah"ı qəbul edəcək.
"Liv Bona Dea Arena"da baş tutacaq "Araz-Naxçıvan" - "Qarabağ" matçını Elçin Məsiyev, "Neftçi Arena"da keçiriləcək "Neftçi" - "Sabah" görüşünü isə Əliyar Ağayev idarə edəcək.
Azərbaycan Kuboku
Yarımfinal, ilk oyunlar
2 aprel
17:00. "Araz-Naxçıvan" - "Qarabağ"
Hakimlər: Elçin Məsiyev, Elşad Abdullayev, Pərvin Talıbov, Kamal Umudlu.
"Liv Bona Dea Arena"
19:30. "Neftçi" - "Sabah"
Hakimlər: Əliyar Ağayev, Zeynal Zeynalov, Akif Əmirəli, Cavid Cəlilov.
"Neftçi Arena"
Qeyd edək ki, yarımfinal mərhələsinin cavab görüşləri aprelin 23-də keçiriləcək.
