"Formula-1"in əfsanəvi pilotu Mixael Şumaxerin 2001-ci ildə çempion olduğu bolidi 25 mayda Monakoda keçiriləcək Qran-prinin təsnifat mərhələsindən əvvəl hərracda satılacaq.
Oxu.Az championat.com-a istinadən xəbər verir ki, hərracda "Ferrari F2001" modeli təqdim ediləcək.
Bildirilib ki, məhz bu model ilə Şumaxer qalan yarışları da qazanaraq dünya çempionu adına yiyələnib.
Avtomobilin satışından əldə edilən gəlirin bir hissəsi "Keep Fighting Foundation" xeyriyyə fonduna köçürüləcək.
