İngiltərə Premyer Liqasının XXXI turunda "Everton"la qarşılaşan "Arsenal" liderlik yarışında xal itkisi ilə üzləşib.
Oxu.Az xəbər verir ki, oyuna sürətli hücumlarla başlayan "Arsenal" hesabı 34-cü dəqiqədə açıb. Trossart Sterlinqin ötürməsini qolla tamamlayıb. Fasilədən sonra toparlanan meydan sahibləri hesaba tarazlıq gətiriblər. Nidaye 49-cu dəqiqədə penaltini dəqiq yerinə yetirib - 1:1.
Qeyd edək ki, aktivində 62 xalı olan "Arsenal" lider "Liverpul"dan 11 xal geri qalır, "Everton" isə 35 xalla 14-cüdür.
