Bu gün UEFA Çempionlar Liqasında 1/4 final mərhələsinə vəsiqə qazanan daha bir komandanın adına aydınlıq gəlib.
Kriminal.Az xəbər verir ki, qarşılaşma İngiltərədə keçirilib. “Arsenal” Portuqaliyanın “Portu” komandasını sınağa çəkib.
41-ci dəqiqədə “Arsenal”ın heyətində belçikalı vinger Leandro Trossard fərqlənib və oyun belə də başa çatıb - 1:0.
Tərəflər arasındakı birinci görüş “Portu”nun xeyrinə yekunlaşmışdı - 1:0. İki oyunun nəticəsinə (1:1) əsasən, matça 30 dəqiqə əlavə vaxt artırılıb. Təyin olunan bu zaman kəsiyində də komandalar oyunun taleyini həll edə bilməyiblər.
Penaltilər seriyasında “Arsenal”ın futbolçuları daha dəqiq olublar - 4:2.
Beləliklə, “Arsenal” UEFA Çempionlar Liqasında 1/4 final mərhələsinə vəsiqə qazanan növbəti klub olub.
Qeyd edək ki, daha əvvəl “Real Madrid”, “Mançester Siti”, PSJ, “Bavariya” və “Barselona” 1/4 finala vəsiqə əldə ediblər.
