UEFA Avropa Liqasının Liqa mərhələsinin V turu çərçivəsində bu axşam Bakıda, Tofiq Bəhramov adına Respublika stadionunda keçiriləcək "Qarabağ" - "Lion" görüşü ilə bağlı stadionun ətraf küçələrinə avtomobillə giriş qadağan ediləcək.
Bu barədə Kriminal.Az-a açıqlamasında Bakı Şəhər Dövlət Yol Polisi İdarəsinin bas inspektoru Rüstəm Əhmədli bildirib.
"Tofiq Bəhramov adına Respublika stadionuna paralel və kəsişən küçələrdə hərəkətin təhlükəsizliyinin və fasiləsizliyinin təmin olunması, süni sıxlıqların yaranmaması üçün azarkeşlərdən oyunu izləməyə gələrkən şəxsi avtomobillərdən mümkün qədər az istifadə etmələri, ərazidə metronun "Gənclik" stansiyasının yerləşdiyini, avtobus marşrutlarının geniş şəbəkəsinin mövcudluğunu nəzərə alaraq, ictimai nəqliyyata üstünlük vermələri xahiş olunur".
Qeyd edək ki, "Qarabağ" - "Lion" görüşü saat 21:45-də start götürəcək.
