Bakıda BMT-nin İqlim Dəyişikliyi üzrə çərçivə Konvensiyasının Tərəfləri Konfransının 29-cu sessiyasının (COP29) doqquzuncu günündə Yaşıl Zonada "Slou Fud" (Slow Food), zəif effekt: Yerli aqroməhsullarla dayanıqlı turizmin gücləndirilməsi" adlı tədbir keçirilib.
Kriminal.Az xəbər verir ki, Florian Zenqstşmidin moderatorluğu ilə keçən tədbirdə "Slow Food" hərəkatı və dayanıqlı kənd təsərrüfatı prinsiplərinin aşağı təsirli turizmi inkişaf etdirməkdə necə güclü rol oynaya biləcəyi müzakirə edilib.
Çıxışçılar Mehmet Savaş Uzun, Marina Olşanskaya, Baxış Həbib, Edvard Mukiibi, Fərid Axundov yerli kənd təsərrüfatı məhsullarının və dayanıqlı kənd təsərrüfatı təcrübələrinin qida sənayesinin karbon emissiyalarını azaltmaq və ekoloji cəhətdən uyğun turizm təcrübələrini təşviq etməkdə hansı rolu oynaya biləcəyini araşdırıb, mövzu ətrafında müzakirələr aparıblar.
Sessiya "Slow Food" prinsiplərinin turizm sənayesinə inteqrasiyasının dayanıqlı inkişaf üçün güclü bir model yaradacağını nümayiş etdirdi. Yerli kənd təsərrüfatı məhsullarına üstünlük verərək və dayanıqlı kənd təsərrüfatı təcrübələrini dəstəkləyərək, turizmin yaratdığı karbon emissiyalarını azalda, səyahət təcrübəsini zənginləşdirə və daha yaşıl, eyni zamanda dayanıqlı bir gələcəyə töhfə verə biləcəyimizi ortaya qoydu.
Xanım Aydın
