2024-cü ildə keçirilən beynəlxalq oyunlarda ən çox qol vuranların kimliyi bəlli olub. Məlum olub ki, Kriştianu Ronaldu və Lionel Messi ötən il bərbad göstəriciyə imza atıblar.
Kriminal.Az xəbər verir ki, Beynəlxalq Futbol Tarixi və Statistikaları Federasiyası (IFFHS) milli komanda və klub səviyyəli beynəlxalq turnirlərin bombardirlərini açıqlayıb.
Cədvələ Mərakeş yığmasının futbolçuları başçılıq edirlər. Dünyanın ən yaxşı bombardiri Sofian Rahimi 20 qol vurub. O, millidə 4, BƏƏ-nin "Əl-Əyn" klubunda 16 dəfə fərqlənib.
"Olimpiakos"da 15, yığmada 4 qola sevinən Ayub El-Kaabi liderdən bir top geri qalıb. İlk "üçlüy"ü Avropanın ən yaxşısı Erlinq Holand qapayıb.
Aktivində 17 top olan hücumçu Norveç millisində 11, "Mançester Siti"də 6 dəfə fərqlənib.
Kriştianu Ronaldu 14 qolla siyahıda 8-cidir. Lionel Messi 8 topla 51-ci yerə şərikdir.
