İspaniyanın "Real" futbol klubu Fransanın "Lans" klubunun və Özbəkistan millisinin müdafiəçisi Abdukodir Xusanovu transfer etmək imkanını nəzərdən keçirir.
Kriminal.Az xəbər verir ki, bu barədə "Foot Mercato" məlumat yayıb.
Məlumata görə, hazırda futbolçunun transferi ilə bağlı danışıqları İngiltərənin "Mançester Siti" klubu aparır. Ötən həftə "Mançester Siti" və "Lans" nümayəndələrinin iştirakı ilə futbolçunun atası və agenti Xorxe Mendeşin də iştirak etdiyi görüş keçirilib.
Almaniyanın "Bayer Leverkuzen" və "Borussiya Dortmund", İngiltərənin "Nyukasl", İtaliyanın "Napoli" və "Yuventus" klubları da futbolçu ilə müqavilə imzalamaqda maraqlıdır.
Qeyd edək ki, Xusanovun 20 yaşı var, o, 2023-cü ilin iyulunda Belarusun "Energetik-BGU" klubundan "Lans"a keçib. Ümumilikdə müdafiəçi Fransa klubunda 31 oyun keçirib, 1 məhsuldar ötürmə edib. O, Özbəkistan millisinin heyətində 18 oyun keçirib, heç bir qol vurmayıb. Xusanov Özbəkistanın 20 yaşadək futbolçulardan ibarət gənclər komandası ilə birlikdə 2023-cü ildə Asiya Kubokunun qalibi olub.
