Yeni Zelandiyanın Nümayəndələr Palatasının Yaşıllar Partiyasından olan iranlı üzvü, insan haqları üzrə vəkil Qolriz Qəhrəman oğurluqda günahlandırılıb.
Bu barədə “Azad İran” “Telegram” kanalı məlumat verib.
Məlumata görə, iranlı deputat Oklend şəhərində qiyməti 7000 dollara qədər olan lüks brendlərin satışı ilə məşhur olan dəbdəbəli “Scotties Boutique” mağazasından oğurluq etməkdə ittiham edilib.
Qolriz Qəhrəman bu məsələ həll olunana qədər bütün vəzifələrinin icrasını dayandırdığını bildirib.
