“Space X” şirkəti “Starlink” peyklərini daşıyan “Falcon 9” raketini kosmosa göndərib.
Buraxılış ABŞ-nin Kaliforniya ştatında Vandenberq Kosmik Qüvvələrinin bazasından həyata keçirilib.
Sakinlər səmada heyrətamiz görüntülərə şahid olublar.
Buraxılış şirkətin “X” hesabında da yayımlanıb və istifadəçilər “SpaceX”in səhifəsində hadisəni canlı izləyə biliblər.
“Falcon 9” buraxılışdan 10 dəqiqə keçməmiş Sakit Okeandakı pilotsuz gəmiyə uğurla eniş edib.
Xatırladaq ki, “SpaceX” şirkətinin müxtəlif layihələrinin ayrılmaz hissəsinə çevrilən “Falcon 9” fevral ayında pilotsuz Ay kosmik gəmisinin orbitə buraxılmasına kömək edib və nəticədə Aya çatan ilk özəl gəmi olub.
Mənbə: Azcentral.com
