“Sabah” basketbol klubu FIBA Avropa Kubokunun müntəzəm mövsümündə növbəti oyununu keçirib.
Azərbaycan təmsilçisi dördüncü matçda Monteneqro “Mornar”ını qəbul edib.
Qarşılaşma meydan sahiblərinin 81:74 hesablı qələbəsi ilə bitib. Bununla “Sabah” müntəzəm mövsümdə ilk qalibiyyətini əldə edib.
Qeyd edək ki, “Sabah” qrup mərhələsində keçirdiyi ilk üç oyunda müvafiq olaraq Monteneqro “Mornar”ına (75:80), Türkiyə “Bağçaşəhər”inə (65:83) və Çexiya “Nimburk”una (61:95) məğlub olub.
